पुणे : एम. सी. इ. सोसायटीच्या एम. ए. रंगूनवाला इन्स्टिट्यूट ऑफ हॉटेल मॅनेजमेंट अँड रिसर्च यांच्या वतीने १२ डिसेंबर २०१८ रोजी ग्रंथालयविषयक कार्यशाळा (लायब्ररी एक्सटेन्शन अॅक्टिव्हिटी) मावळ तालुक्यातील चिखलसे येथील जिल्हा परिषदेच्या प्राथमिक शाळेत घेण्यात आली.
या उपक्रमाद्वारे वाचनाची सवय वृद्धिंगत होण्यासाठी सामाजिक बांधिलकी म्हणून शाळेतील मुलांना ‘डाएट व न्यूट्रिशन’ संदर्भातील पुस्तके देण्यात आली व त्याचे महत्त्व स्पष्ट करण्यात आले. वाचनाच्या सवयीबाबत प्रचार व प्रसार करण्यात आला.
या कार्यक्रमाचे आयोजन ग्रंथपाल चंदा सुपेकर यांनी केले होते. या उपक्रमासाठी महाविद्यालयातील प्रा. पुनीत बसन, प्रा. अरुण देवकर, तसेच विद्यार्थ्यांचे सहकार्य लाभले. या कार्यक्रमाला महाविद्यालयाच्या प्राचार्या अनिता फ्रान्झ यांचे मार्गदर्शन लाभले.